TACLOBAN CITY – Usa an nahipatik nga samaran ha nahitabo nga pagbunggo han usa nga truck ha lima nga sarakyan ha Cong. Mate Avenue, syudad han Tacloban kakulop nga adlaw.
Sumala kan Pol. Capt. Marjorie Manuta, tagapagyakan han Tacloban City Police Office, lima nga sarakyan an nabunggo han mao nga truck nga ginmamanehuan ni Daryll Patricio, taga Calbiga, Samar kun diin an nahipatik nga samaran nga biktima in usa nga pasaheros han usa nga jeep.
Subay ha inisyal nga imbestigasyon ngan subay gihapon ha naging pahayag han driver nawarayan ini hin kontrol ha manibela ngan brake sanglit nagdirediretso la an dalagan hini tikang ha bukid nga parte paubos ha mao nga lugar ha downtown area.
Dayon naman nga gindara ha ospital an nasamaran nga pasaheros ngan nagpapadayon gihapon an imbestigasyon han mga otoridad bahin han mao nga insidente.
