MATALOM, LEYTE – Usa nga insidente hin pagkakamatay an nahipatik ha Brgy. Elevado, Matalom, Leyte.
Ginkilala an biktima kan alyas Mak-mak, ada ha sakto nga pangidaron, ngan may-ada gin aabat nga problema ha mental.
Sumala kan Matalom Municipal Police Station Officer in Charge, PLt. Ronnel Cawili, may tumawag ha ira hotline kabahin hin insidente hin paghikog kun diin dayun naman ini nga ginrespondehan han ira buhatan.
Ha pag-abot han mga ini ha lugar in didto nakit-an an lawas han biktima nga kahuhuman la tanggal tikang ha pagkakahigot hini.
Nahitabo an insidente ha usa nga sarado nga tindahan, nga ginhihimo nga pahuwayan han biktima, kun diin an higot han gingagamit hini nga duyan in amu gihapon an ginamit hini ha pag-aawat han iya kinabuhi.
Nahibaruan naman ha imbestigasyon nga duro hin kaagresibo an biktima kun diin kaurugan ini nga iginrereklamo mahitungod ha pagbabasag hini nga bisan la anu sugad hiton botelya o anuman man nga makita hini.
Samtang, waray naman foul play ha nasabi nga insidente.
