Naghuman na an kampanya nira Filipina tennis star Alex Eala ngan American partner nga hi Hailey Baptiste ha doubles tournament han Italian Open mahuman nira nga mapirde kontra kanda Taylor Townsend ngan Kateřina Siniaková, 6-2, 6-1, dida han May 12, ha Rome, Italy.
Ha katikangan han mulay, nakakuha dayun hin abante hira Townsend ngan Siniaková ugsa makontrol an ritmo han mulay.
Ha syahan nga set, nakahabol pa hira Eala ngan Baptiste ha pira kapuntos, pero nangadto an momentum ha Grand Slam doubles champions mahuman hira makaghipatik hin susrunod nga daog ha games agud humanon an set ha 6-2.
Ha ikaduha nga set, dayun gihapon nga nagdomina an kalaban ngan nakaghipatik hin 4-0 lead. Nakakuha hin usa nga game hira Eala ngan Baptiste para ha 4-1, pero waray na hini kapugngi an padayon nga agresibo nga serving ngan net play nira Townsend ngan Siniaková nga naghuman ha 6-1.
Ha kaluyo han pagkaperdi, ginlalauman nga magpapadayon hi Eala ha iya clay-court preparations ha mga masunod nga torneo kaupod an WTA125 Parma Ladies Open ngan Internationaux de Strasbourg kumo pangandaman para ha French Open ha katapusan han Mayo.
