Nakaghipatik hin bag-o nga Guinness World Record an usa nga dog park ha Miami, Florido mahuman ini magdumara hin pinakadako nga pool party nga gin atenderan han 277 nga mga ayam.
An event, nga gintawag nga “Chewy Summer Social” in gin organisa han pet supply company nga Chewy. Ginbuhat ini ha Chewy Bark Park sa Coral Gables.
Nagtitirok an magkadiru-dilain nga breed hin mga ayam agud dudrungan nga mangarigo ha nakaandam nga kiddie pool. Usa nga opisyal nga tinaglawas tikang ha Guinness World Records an personal nga nag-ihap ha mga partisipante nga ayam agud kumpirmahon an bag-o nga titulo.
Labot ha swimming, nagin libre gihapon an nasabi nga panhitabo nga ginkalakipan gihapon han mga treats, musika, pauyas, ngan iba pa nga marisyo nga aktibidad para ha mga ayam ngan ira furparents.
