Nakikignegosasyon yana an US ha Denmark kasumpay han plano nga pagpapahaluag hin military bases hini ha Greenland.
Mababaruan nga panuyo han Estados Unidos nga magtukod hin tulo nga bag-o nga military bases ha sur nga parte han Greenland kumo pangandaman ha posible nga aktibidad han Russia ngan China ha North Atlantic region.
Manunumduman nga syahan na nga nagkamay-ada hin dire pagkakaintidihan an Denmark ha US, mahuman nga igpahayag ni US President Donald Trump nga sasakupon an nasabi nga isla kasunod han pagkabaraka nga kuhaon ini ha Russia ngan China. Sugadman, maduon nga ginbaribaran han Denmark ngan han Greenland an anuman nga ideya han pagsakop ha teritoryo.
Ha kaluyo hini, nagpapadayon an diplomatic talks han duha nga nasud kun diin ginkumpirma han Denmark nga mayda ongoing negotiations hira han Amerika kasumpay ha posible nga dugang nga military presence ha Greenland, pero waray ini maghatag hin kadugangan nga detalye.
Nahibaruan gihapon nga plano tukuron an military base ha Narsarsuaq, usa nga US military facilitu nga mayda gutiay nga paluparan.
Tutukan gihapon hini an maritime surveillance o pagbabanatay ha kiwa han mga barko ngan aktibidad militar ha GUIK Gap—importante nga ruta ha but han Greenland, Iceland, ngan United Kingdom.
Ha yana waray pinal nga kasabutan ha butnga han duha nga nasud kasumpay ha istoryahon han utro nga pagtutukod han US hin military base.
