Irustoryahon yana nga nahingadto na ha pagkansela an ginpapamulat nga kasal han aktres nga hi Bea Alonzo ngan businessman nga hi Vincent Co mahuman an dire pagkakasabot ha probisyon han ira prenuptial agreement.
Subay ha report, nagkamay-ada hin “stalemate” ha prenup han duha, nga nagin pangunahon nga rason han pagkadelatar han wedding plans nga ginlalauman paghihimuon unta ha Spain.
Mayda daw gihapon pira nga probisyo ha prenup nga iginkonsidera nga dire patas ha parte ni Co, samtang gindig-unan naman ini ni Bea.
Waray naman igsapubliko an eksakto nga sulod han mga kondisyon ha hangyo han usa nga source.
Nahipatik nga mayda gihapon pira nga bisita ngan pamilya han duha an nakag-book na hin biyahe tikadto ha Spain para unta ha nakatalaan nga kasal. Sugadman, mahuman an pagbabag-o han plano, ginamit nala nira an mga nauna nga napalit nga ticket para ha iba nga lakat.
Ha pagkayana waray pa opisyal nga pahayag tikang ha kampo nira Bea ngan Co kasumpay ha pagkansela han ira kasal.
