TACLOBAN CITY – Padayon an ginbubuhat nga imbestigasyon han mga kapulisan ha nahitabo nga shooting incident ha Cockpit Arena ha Brgy. Maglipay, Sulat, Eastern Samar nga nagresulta ha upat nga mga indibidwal nga naawatan hin kinabuhi.
Sumala kan P/LT Antonio Docena, chief of police han Sulat MPS, ginkilala an duha nga biktima nga hi Juancho Basada, dati nga miyembro han CAFGU Active Auxiliary (CAA) ngan Winifredo Guballo parehos mga residente han Brgy. Baybay, Sulat Eastern Samar.
Subay ha inisyal nga imbestigasyon, in dumaop an duha nga suspek ha duha nga biktima ngan tigda ini nanmusil.
Umato naman hi Basada resulta han nahitabo nga gun fight.
Dayon naman nga gindara ha ospital an duha nga biktima pero gindeklara an mga ini nga dead on arrival.
Ha pagkayana in padayon pa nga gintutudlok han mga kapulisan an motibo ngan hinungdan han mao nga insidente.
Nagprobar pa nga umiskapo an usa pa nga suspek pero naawatan liwat ini hin kinabuhi mahuman nga rumesponde an tropa han mga kapulisan.
