TACLOBAN CITY – Gin papahibaro han Tacloban City Police Office nga kutob nala buwas nga adlaw, Agosto 21, an pagpa-rehistro para han pagkuha hin slot para han National Police Commission (NAPOLCOM) Examination.
Sumala kan Tacloban City Police Office Information Officer, PLt. Evalyn Lei Diaz, an nasabi nga eksaminasyon in pagdudumaraon ha maabot nga Oktubre 18 han presente nga tuig, pero kutob nala an pagpa-rehistro hini.
Kun makakuha na hin slot, dayun nga magtitikang an pagproseso han mga rekisitos nga mag-iiha naman kutob ha Setyembre 17.
Ada naman ha P400 an magigin exam fee han nasabi nga exam.
Kinahanglan naman nga 5 ft. an kahitaas para han babaye ngan 5’2 naman para han lalaki.
Gin aghat naman ni Diaz an mga sibilyan ngan mga karuyag sumulod ha Philippine National Police nga kumuha han nasabi nga exam.
