Naibalhin na ha Quezon City Jail Male Dormitory ha Payatas hi anay House Speaker Martin Romualdez nga nadakop kasumpay ha P7.4 bilyon plunder case.
Umulpot an convoy nga nagdara kan Romualdez tikang ha University of the Philippines-Philippine General Hospital dida han Lunes han gab-i, Setyembre 14.
Umagi ha standard commitment ngan booking procedure ha Quezon City Jail hi Romualdez nga ginkakaurupdan han pagkumpiskar ha tanan nga dire otorisado nga gamit, pagkuha han mug-shot, pangita ha medical history ngan an dayon nga pagbubutang ha designated nga prisohan.
An nasabi nga pagbalhin kan Romualdez ha QC Jail in basar ha nagin kamanduan han Sandiganbayan nga dapat igbalhin na ha QC Jail hi Romualdez mahuman nga makit-an nga “clinically stable” ngan dire na kinahanglanon nga igpadayon an pagpapabilin hini ha ospital.
