Usa an kumprimado nga patay, 25 an padayon nga ginbibiling, samtang 51 naman an malinangpuson nga nasalbar mahuman nga lumunod an usa nga barko nga nagsasakay hin mga migrante ha kadagatan nga ha isla han Gavdos, harani ha Crete, Greece.
Sumala ha spokesperson han Greek Coast Guard, nabilngan ngan naisalbar han duha nga naglabay nga abrko ha lugar an 51 ha mga pasahero. Basar ha pahayag han mga nasalbar, maabot 77 ka-tawo an nakasakay ha nasabi nga barko ugsa ini lumunod ha butnga han dagat.
Padayon naman yana an haluwag nga search and rescue operations kun diin upat nga barko, mga bangka, sarakyan pankalangitan han Frontex, ngan usa nga helicopter han coast guard an ginpasarang ha lugar.
Samtang, nahipatik naman nga nakukurian an mga imbestigador ngan rescue teams mahitungod ha magkusog nga hangin ha kadagatan.
