TACLOBAN CITY– Maabot ha sobra P3M nga kantidad hiton gintutuohan nga droga narekopo han mga kapulisan ha Barangay 91 Abucay, Tacloban City.
Ginkilala an suspetsado ni Eusebio Cajipo Jr, alyas “Amir” 28-anyos, usa nga delivery rider ngan residente han Brgy. 59-A Sampaguita, Tacloban City.
Sumala kan PLtCol Allan Camasin, City Affairs & Development Unit Tacloban City Police Office, an nasabi nga suspek in usa nga High Value Individual (HVI), matungod nga damo an nakumpiskar ha iya nga mga droga.
Dugang pa ni Camasin, nakumpiskar ha posisyon han suspek an 16 ka-sachet han gintutuohan nga shabu, 1 nga weighing scale, 1pc color olive green sling bag, 1 nga motorcycle key, 1 nga Honda Click color red motorcycle, 1pc color black helmet, 1 nga P500, ngan kalakip an 29 pcs nga one-thousand-peso bill and one ngan P500 nga bugos money.
Ha pagkayana, kapot na an suspek hiton mga otoridad, ngan napasakahan na ine hin kaso nga pagtalapas hiton Sections 5 and 11, Article II of R.A. 9165 o an Comprehensive Dangerous Drugs Act of 2002.
