Gintudlok kumo undersecretary han Department of the Interior and Local Government (DILG) hi anay Iloilo City mayor Jed Patrick Mabilog.
Sumala ini kan DILG Secretary Jonvic Remulla, mahuman nga manumpa hi Mabilog kakulop kumo undersecretary para ha public safety, nga matutok ha mga reporma ha mga lokal nga pangobyernuhan.
Duon pa ni Remulla, dire nagbibiling hin pagbulos hi Mabilog ha pagbabalik ha serbisyo publiko.
Manunumduman nga lumakat han nasud hi Mabilog dida han 2017 ngan nagtago ha Estados Unidos mahuman ini akusaran ni anay Presidente Rodrigo Duterte kumo protektor han ilegal nga droga.
Nakabalik an anay alkalde ha Pilipinas dida han 2024 mahuman ini sumurender ha National Bureau of Investigation (NBI).
Dida han Enero 15, 2025, gintagan hiya han executive clemency ni Presidente Ferdinand Marcos Jr., nga nag-abri hin dalan para ha iya pagbabalik ha pampubliko nga serbisyo.
Manunumduman nga igindiwara ni Mabilog an mga akusadyon nga hiya an protektor han drug lord nga hi Melvin Odicta Sr., nga napatay dida han 2016.
