BAYBAY CITY – ‘There’s no substitute to good preparation.’
Ini an gintagan-duon ni Licensure Examination for Professional Teachers Rank 1, Rashil Rae Recorte han Visayas State University Main Campus.
Hi Recorte in naghuman ha kurso nga Bachelor of Secondary Education Major in Science ha nasabi nga VSU Main Campus, kun diin nakakuha ini hin rating nga 95.80%—an pinakahitaas nga rating ha LEPT history—ha kahuhuman la nga Licensure Examination for Professional Teachers (LEPT) 2026.
Sumala kan Recorte, dire niya gine-expect nga makita an iya ngaran ha listahan han mga topnotcher pero sobra naman an iya kalipay ha nakita nga resulta mahitungod nga natuman niya an iya patapod ha iya iskuylahan, pamilya, ngan sugadman ha iya kalugaringon.
Dugang pa hini, an disiplina ngan kamaduruto an nagduso haiya agud magpadayon ha iya mga pangandoy ha kinabuhi, sugadman tumanon an iya mga hingyap.
Dako gihapon an naibulig an han iya Alma Mater ha nagin resulta han eksaminasyon mahitungod han paghulma, pagtutdo, ngan paggiya ha ira nga mga istudyante agud makabaton ha mga sugad nga exam.
Ginpaangbit naman ni Recaforte nga nakurian hiya ha Professional Education nga parte han exam mahitungod nga dire ini obhetibo sugad han General Education ngan han ira Specialization.
Pag-istorya pa ini, natesting an ira comprehension skills ngan test-taking skills ha ProfEd nga parte sanglit nakurian hiya, ngan sugadman kaparehas gihapon han iya iba pa nga kaupod han exam.
Samtang, nagpasalamat naman ini ha ngatanan nga tumuod ngan nagsuporta ha iya—an iskuylahan, kasangkayan, ngan labi na an iya pamilya.
