Iginduon han Makabayan Bloc nga kinahanglan igsurender na ha mga otoridad hi Senator Ronald Bato dela Rosa nga mayda gin kakaatubang nga warrant of arrest tikang ha International Criminal Court (ICC).
Ginmalatumat ini han Makabayan Bloc ha Kamara, mahuman magkasaramok kagab-i ha Senado kun diin mayda ginbati nga mga buto hin pusil.
Subay ha Makabayan Bloc nga ginbubug-os nira Representatives Antonio Tinio, Sarah Jane Elago, ngan Renee Co, mapupugngan an sobra pa nga kasamok ha Sendo kun magpapa-aresto na hi Senator Bato.
Hira Gabriela Women’s Party-list Rep. Elago ngan Kabataan Party-list Rep. Co in nakiusa gihapon ha ginbuhat nga gios-protesta kagab-i ha Welcome Rotonda ha Quezon City.
Ha nasabi nga katitirok in nanawagan hira nga kinahanglan papagbatunon an ngatanan han korap sugadman an pag-aresto kan Senador Dela Rosa nga naatubang ha kaso nga crimes against humanity.
