NATIONAL–Ginmalatumat han Commission on Audit (COA) nga sobra P138-B nga proyekto han Department of Public Works and Highways (DPWH) han 2024 an dire maupay an pagpapatuman matungod ha kakulangan ha planning, engineering, ngan monitoring, kalakip na gihapon ha maraot nga panahon, problema ha right-of-way ngan mahinay nga pagpagawas hin permit.
Sumala ha 2024 audit report, 1435 kaproyekto (P77.4-B), nga proyekto an waray pa nahuman ha naka-iskedyul nga panahon, 523 naman nga proyekto nga nagkakantidad hin (P33.6-B) an nasuspender, samtang 491 nga mayda (19.2-B) an may dako nga slippage, samtang 114 ka proyekto nga mayda (P6.72-B) an waray pa katikangi ngan 33 nga proyeto nga mayda (P1.29-B) an na-terminate.
Nadiskubrihan gihapon han COA nga sobra P1.9-N nga proyekto an gindeklara nga 100% complete an may depekto ha aktwal nga inspeksyon, kalakip an mga proyekto ha CAR MIMAROPA, Western Visayas, ngan Northern Mindanao. in mayda 48 nga proyekto an fully paid pero waray pa kahuman.
Ginmando han COA nga upayon han DPWH an koordinasyon ngan monitoring, papagbatonon an mga contractor nga mayada delay, likayan an sayop nga pagdeklara nga human na an proyekto, ngan siguraduhon nga maupay an pagplano nga kapasidad han mga contractor para malikayan an madugay nga pagkadelatar.
