Gin kondena han grupo nga Tindig Pilipinas ngan mga kaalyado nga organisasyon an pitad han pira nga senador nga kaalyado han mga Duterte agud protektahan hi Vice President Sara Duterte kontra ha impeachment trial ngan hi Senador Ronald “Bato” dela Rosa tikang ha pagbaton mahuman magpagawas hin warrant of arrest an International Criminal Court kontra hini.
Ha usa nga presscon, ginmalatumat ni Atty. Dino de Leon nga klaro an mensahe ha luyo han pagbabalyo han liderato ha Senado samtang mayda importante nga constitutional process nga nahitatabo.
Sumala kan De Leon, baga-baga hin mayda mga tawo nga karuyag pugngan an kamatuuran ngan igsalbar an pira nga personalidad tikang ha pagbaton.
Ginbatikos gihapon niya an pagbubuhtang han Senado kan Dela Rosa ha protective custody mahuman ini igsumpay ha kaso nga crimes againts humanity kasumpay han madugo nga ‘war on drugs’ han administrasyon ni anay Presidente Rodrigo Duterte.
Duon han abogado, dire dapat magin “safe haven” o daupan han mga pugante ngan mga gin aakusahan han magbug-at nga krimen an Senado.
Iginpahinumdom gihapon hini nga limitado la an immunity han mga senador ngan dire hini sakop an mabug-at nga kaso sugad han crimes against humanity.
