Nakatalaan nga magsalawad hin resolusyon hi Tingog party-list Rep. Jude Acidre kaupod an 40 nga iba pa nga membro han Kamara de Representantes agud imbestigaran an extortion incidents nga ginkakadabihan han social media personality nga hi Franco Mabanta ngan anay House Speaker Martin Romualdez.
Ha iya privilege speech, gin malatumat ni Acidre nga an pitad in “in aid of legislation” agud panginanuon an insidente nga ginkakadabihan han mga social media influencer ngan online political operators.
Ginmalatumat gihapon niya an panginahanglan hin usa nga policy framework nga magduduso han kagawasan han pamamahayag.
“Online platforms, digital media networks, and content creators must observe clearer standards of transparency and responsibility,” dagdag niya.
Subay ha report, gin aresto han National Bureau of Investigation (NBI) hi Mabanta ngan upat pa nga indibidwal ha usa nga entrapment operation mahitungod ha kaso nga robbery-extortion.
