Gin kumpirma ni Assistant Ombudsman Mico Clavano nga nakarawat na nira an partial committee report han Senate Blue Ribbon Committee nga hadto in ginmamanguluhan ni Senador Panfilo “Ping” Lacson kabahin ha gindumara nga imbestigasyon ha maanomaliya nga flood control projects han gobyerno.
Syahan na nga ginmalatumat ni Senador Lacson nga sulod han partial report an sistematiko nga pag-divert han pondo han gobyerno ha ilarom han gintatawag nga “allocables,” ngan “insertions” ha nasyunal nga budget.
Sumala pa kan Clavano, ighahatag an importante nga impormasyon ha mga investigating team nga in-charge ha magkadiru-dilain nga flood control cases agud magamit kun kinahanglan.
An pagtransmit ha anti-graft court in nahitabo usa kaadlaw mahuman magbalyo hin liderato ha Senado.
Manunumduman nga ginlunsar han Senado an halaug nga imbestigasyon mahuman mabuyagyag an bilyones pisos nga pondo ha mga proyekto nga kontra-baha nga gin aalegar mayda ghost projects, overpricing, ngan mga sabot ha butnga han mga kontraktor ngan pira nga opisyal han Department Of Public Works And Highways (DPWH).
