ODD – Nakakarawat hin Guinness World Record title an usa nga jewelry company ha India tungod ginhimo nira nga singsing nga may nakadukot nga 24,697 kabug-os nga diamonds.
Gin anunsyo han Guinness han Hulyo 15 nga an jewelry company nga SWA Diamonds an bag-o nga record holder ha titulo nga “Most diamonds set on one ring”.
Gintawag han SWA Diamonds an ira ginhimo nga singsing nga “Ami” nga an karuyag signgon in tikang ha Sanskrit in Immortality.
Sumala ha managing director han SWA Diamonds, ginhimo nira an singsing para makilala an ira brand ha bug-os nga kalibutan.
Nahuna-hunaan han designer han singsing nga baga-baga hin usa nga pink oyster mushroom an korte hini.
Ginrerepresentar manggud han mao nga mushroom an immortalitiy ngan longetivity.
Gamit an natural diamonds nga ginsertipika han Kimberly Process Certification Scheme, usa usa nga gindukot an diamonds ha gold ring ha korte hin oyster mushroom.
Mahuman nga mahimo an singsing, ginpakita ini han Guinness ha IGI (International Gemological Institute Lab) para ihapon kun ano kadamo an diamonds gamit an state of the art microscope.
Umabot ha 24, 697 diamonds an naihap han IGI ngan may kabug-at ini nga 340 grams ngan nagkakantidad hin an singsing hin $95,000.
