MAHITUNGOD ha grabi nga kapaso han panahon ha Japan kada summer season, usa nga kompanya nga kilala ha paghimo hin mga refrigerator an nagpagawas han kakaiba nga solusyon, usa nga “human refrigerator.”
Dida han Hulyo 15 la, aada ha 48 ka-tawo an naospital ha Tokyo mahitungod ha heatstroke. Ini an nagduso ha kompanya nga SDRS nga maghimo hin usa nga personal cooling cabinet nga gintawag nira nga “Do Hiemon Box” agud masolusyonan an nagtitikahitaas nga pankihananglan para ha mga alternatibo nga pampahagkot.
An Do Hiemon Box in usa nga metal nga kahon nga gindisenyo agud magin personal space han mga tawo. Pagsulod pala hini, makakaabat hin mahagkot nga hangin nga direkta nakatutok ha magkadurudilain nga parte han lawas. Sumala ha kompanya, an 10 ka-minutos nga pagpapabilin ha sakob in insakto na agud mapahamubo an temperatura han lawas.
Otomatiko naman ini nga napaparong pagkahuman hin 20 ka-mintuos agud malikayan an duro nga panhahagkot. Na konsumo la an box hin haros katunga han enerhiya kumpara ha usa nga kumon nga portable air conditioner.
Mapapalit naman an Do Hiemon Box ha pamamaagi han mga industrial refrigeration distributor ha kantidad nga 1.5 million yen o 567,000 pesos.
