Naibaligya ha auction an usa nga kakaiba nga fossils han Nanotyrannus ha kantidad nga $47.3 milyon.
Subay ha Sotheby’s auction ha New York, nag-iha la hin 12 minutos an bidding.
An nasabi nga specimen nga gintawag nira nga hi Jodi in usa ha tulo nga magkakaparehas nga Nanotyrannus skeletons.
Tikang manggud han ig anunsyo an pag-aabri han bidding in ginlalauman nira nga mapapalit la ini hin kutob $9-M.
May kahitaas ini nga 9.6 feet ngan kahilaba nga 19.6 feet, mayda kabug-usan nga 191 nga tul-an an nasabi nga specimen.
Nadiskubre an skeleton hadton 2019 han Montana rancher nga hi Jodi Pierson.
Tikang ha Hell Creek Formation, usa nga geological boneyard ha kahilab-an han Montana, Wyoming ngan Dakota.
Makikita naman an usa nga Nanotyrannus skeleton nga hi Jane nga tikang gihapon ha Hell Creek ngan ini in makikit-an ha Burpee Museum of Natural History ha Rockford, Illinois.
