Usa nga grupo hin mga chf ha Guatemala an nagburublig agud maghimo hin napakadako nga fiambre salad nga tumimbang hin 1,960 kilograms rason agud makaghipatik hira hin bag-o nga Guinness World Records title.
Gindumara an record attempt ha Guatemala City ngan gin organisa han food company nga Toledo Alimentos. Sobra-kulang 4,000 pounds han magkadiru-dilain nga karne ngan utanon an gin urusa kaupod han dressing agud makuha an official title nga “largest fiambre salad”.
Kaupod ha mga panakot han dako nga salad an eggs, cold cuts, sausages, corn, peppes, lettuce, onions, ngan iba pa nga klase hin karne ngan utanon.
An fiambre in usa nga salad nga ginbubug-os han magkadiru-dilain nga cold cuts, utanon, ngan iba pa nga ingredients nga gin-uurusa ngan kaurugan igin aandam ha Guatemala kada All Saints’ Day ngan All Souls’ Day.
Ginbuhat an record attempt pira kaadlaw ugsa an All Saints’ Day ha Nobyembre 1 ngan All Souls’ Day ha Nobyembre 2, mga okasyon nga kaurugan iginsusumpay ha pagkaon han fiambre.
Mahuman timbangon ngan panginanuon han usa nga Guinness World Records adjudicator, gin kumpirma an record-breaking nga kabug-at han salad.
Waray naman kakarag an damo nga pagkaon mahitungod nga kahuman han beripikasyon in iginpanhatag an fiambre ha mga katawhan nga umatender ha event.
Labot ha record breaking attempt, tampok gihapon ha katitirok an live music, traditional weavinbg demonstrations, ngan iba pa nga aktibidad nga nagpapakita han kulturahan Guatemala.
