Nagdig-on hi Senator Ping Lacson nga hi Senate Minority Leader Alan Peter Cayetano an nangaro hin ceasefire ha iya.
Ini an balik nga baton ni Lacson ha pagdiwara ni Cayetano nga naghangyo hiya hin ceasefire ha senador mahuman an pagbuyagyag ha mga ghost projects ha Taguig City.
Gin pakiana ni Lacson kun hain an sensiridad ni Cayetano nga nag-aro hin ceasefire pero ha kaurhian in igdidiwara ini.
Ginmalatumat ni Lacson nga dire han nakalabay nga Myerkules in ada ha lima nga membro han mayorya an gin kaistorya ni Cayetano agud igpaabot an hirit nga ceasefire ngan para ha pagtitikang han trabaho.
Pag-abot han presente nga semana in mas kumusog pa an pitad ni Cayetano ngan nag-focus ha usa nga senador agud maipaabot kan Lacson an iya karuyag.
Duon ni Lacson, mas ginlulunod la ni Cayetano an kalugaringon mahuman igdiwara an hangyo nga ceasefire mahitungod nga nagdurot la ini hin pagdududa han publiko ha iya sinseridad.
