Usa nga lalaki tikang ha Poland an ginhimo nga snowman an kalugaringon agud makab-ot an pambihira nga Guinness World Record.
Malinangpuson nga nakab-ot ni Damian Kasprzykan titulo nga ‘longest time spent in direct full body contact with snow’ mahuman hiya magbabad ha sulod han duha kaoras, 12 minutos, ngan 12 segundos. Ginbuhat niya an record breaking attempt ha Szlachtowa, Poland dida han Pebrero 21.
Ini na an ikatulo nga malinangpuson nga record attempt ni Damian. An iya mga nauna in ginkalakipan nga full body contact ha yelo ngan pagbabad ha duro kataghom nga tubig. Kaupod gihapon niya nga nagprubar ha ayat ha snow hi Maria Bodaj, kilala kumo “Mary Icebreaker,” nga malinangpuson gihapon nga bumuong han record para ha kategorya han mga babaye.
Sumala kan Damian, higara na hiya ha katugnaw mahitungod ha iya trabaho ha Thermo King, usa nga kumpanya nga naghihimo hin mga temperature-controlled transport system. Pero dugang pa hini, dire hiya nahahadlok ha katugnaw pero pirmi hiya nagpapaubos ngan dire ginmiminos an mga sugad nga ayat. Ginsigurado niya nga pirma nangunguna an katalwasan pinaagi han bulig han mga nakabantay nga medical professionals.
Nagtikang an iya paghag-id pinaagi han winter swimming ngan ice baths agud hinay-hinay nga mahiara an iya lawas. Iginpaangbit ni Damian nga dire niya ini ginbubuhat para la ha mga titulo, kundi ha iya kyuryusidad nga hibaruon an tinuod nga tubtuban han kapas han tawo pag-abot ha katugnaw.
Determinado naman hi Damian nga lahusan pa an iya mga nahipatik ha oras ha mga masunod nga panahon.
