Ginpamatud-an han usa nga lalaki tikang ha Colorado nga dire la tsamba an iya siyahan nga pagkadaog mahuman niya makab-ot an Guinness World Record para ha pinakadako nga trap han Venus flytrap ha ika-tulo nga higayon.
Pormal nga ginkilala dida han Hunyo an venus flytrap ni Jerimiah Harris nga may 6.6 centimeters o 2.59 inches nga kaparehas hin usa ngan Katunga palito han posporo. An nasabi nga sukol in maitutudlok nga dako kumpara ha kumon nga flytrap nga aada ha 2 kutob 3 centimeters la.
Siyahan nga nakuha ni Harris an titulo para ha pinakadako nga flytrap dida han 2020 gamit an cultuivar nga kilala ha tawag nga “Alie” nga may kadako nga 5 cm. Ginsundan niya ini dida han 2021 gamit an usa pa nga tanum nga parehas hiton klase nga umabot naman hin 6.1 cm.
Samtang, an iya pinakabag-o nga record in nagtikang ha kakaiba nga cultivar nga gintatawag nga “GJ Montecore” nga orihinal nga ginpapadamo han German nga hi Mathias Maier dida han 2014.
