USA nga lalaki ha United States an nakaghimo hin kasaysayan mahuman magin college professor ha edad nga 18, an edad kun diin kadam-an in nagtitikang pa la ha kolehiyo.
Hi Nathan Thomas in 18 years and 346 days han magtikang magtutdo hin computer programming ha Miami Dade College dida han Agosto 2023. Natutdo hiya hin kurso nga “C for Engineers” ha mga estudyante nga haros kaedad niya.
Mahitungod hini, ginkilala hiya han Guinness World Records kumo “youngest professor” ha kalibutan. Nalahusas hini an anay record ni Colin Maclaurin, nga nagin propesor ha edad nga 19 dida han 1717. Mas bata hiya kan Alia Sabur, nga anay pinakabata nga babayi nga propesor.
Sayo pa la in ginpaita na niya an kakarit ha pag-eskwela. Ha edad nga 10 in nakasulod na ini ha kolehiyo. Ha edad nga 14, bumalhin hiya ha Floridad International University ugsa mag-19 in nahuman niya an bachelor’s ngan master’s degree ha Electrical Engineering.
Presente hiya naesklwea hin law ha University of Miami samtang padayon nga nagtutudlo online.
