Gin kondena ni Kamanggagawa Party-list Representative Elijah San Fernando an iginpagawas nga ‘status quo ante order’ han korte para ha temporaryo nga pugngan an pagpapatuman han P85 nga dugang ha minimum wage ha National Capital Region.
Sumala kan San Fernando, pagtalapas ha Labor Code an nasbai nga kamanduhan han korte.
Pag-eksplikar han abogado, nakasurat ha Article 126 han Labor Code nga waray korte, tribunal, o iba pa nga entidad an pwede magpagawas hin injunction o temporary restraining order kontra ha mga proceedings o desisyon han National Wages and Productivity Commission ngan han Regional Tripartite Wages and Productivity Boards.
Gintudlok daw gihapon han Article 123 han Labor Code nga an mga apela kasumpay han wage order in kinahanglan ig agi ha National Wages and Productivity Commission han Department of Labor and Employment (DOLE).
Natuod an magbabalaod nga waray hurisdiksyon an Pasig City Regional Trial Court Branch 152 ha istoryahon han wage order.
Dugang pa, klaro ini nga panginlabot han hudikatura ha quasi-legislative function han DOLE.
Kun babalikan an nagin kamanduhan han Pasig Court, dire la anay igpapatuman an wage hike kutob ha August 13 mahuman magsalawad hin petisyon an Readycon Trading and Construction Corp ngan R-II Builders Inc. kontra ha wage order.
