Felicito Guevarra, co-accused in the Martin Romualdez plunder case, surrenders to NBI. Read details on his conditional immunity and the ongoing investigation.
-- Advertisements --

Gin kumpirma han Office of the Ombudsman an pagsurender han igkasi akusado ni anay House Speaker Martin Romualdez ha National Bureau of Investigation (NBI).

Ha usa nga pahayag, ginmalatumat han buhatan han Ombudsman nga sumurender hi Felicito Guevarra, presidente han Samchan Foreign Exchange Corporation nga parehas naaatubang gihapon ha plunder ha Sandiganbayan Third Division.

Sumurender kakulop hi Guevarra mahuman igpakansela han prosekusyon an iya pasaporte.

Ha pagkayana, magpapadayon naman an iskedyul han kaso kontra ha iba pa nga akusado.

Samtang iginbalik na gihapon han kumpanya nga Samchan ha Bureau of Treasury an ngatanan han ira kinita tikang ha ginki-kwestyon nga transaksyon.

Ha kaluyo hini, dire daw hini mapapara an kriminal nga pagbaton ngan dire gihapon magigin basaranan han immunity.

Gintugutan hin conditioanl immunity hi Guevarra mahitungod nga kinahanglan an testimonya ngan records agud maitukod an kamatuoran ha kaso.

Kaupod naman ha iginlatag nga kondisyon an bug-os nga pakikigbinuligay ngan pagsusumat hin tinuod, pag-turnover han records ngan devices han Samchan, pagpapabilin ha nasud, ngan ha ilarom han proteskyon han Department of Justice (DOJ).