TACLOBAN CITY – Patay an usa nga Senior Citizen mahuman nga probaran paglugos ngan pitlokon han usa nga embalsamador ha Babatngon,Leyte.
Ginkilala an biktima nga hi Magdalena Mejares, 78 anyos an pangindaron, ngan paraglimpyo han usa nga funeral homes.
Samtang ginkilala naman an suspek nga hi Ramil Dela Cruz Aporto, 37 anyos an pangidaron ngan residente han District 1 han Ridgeview, ngan usa nga embalsamador han pareho nga funeral Homes.
Subay ha ira imbestigasyon in Lunes pa han aga katapusan nga nakit-an an mao nga biktima samtang kastorya an mao nga suspetsado.
Sumala kan Pol.Chief Master Sgt.Rosaoro Lacaba Deputy han Babatngon Municipal Station, nga ginamin naman daw han suspetsado nga ginprobaran niya paglugos an mao nga senior pero han dumire ine in iya naman ine ginpitlok nga gintotoohan hinungdan han kamatayon hine.
Dugang pa ni Sgt.Lacaba nga nakit-an nira an mao nga biktima ha basurahan han mao nga funeral homes nga tinak-upan hin basura ngan nakada na ha state of decomposition.
Hapagkayana in aada na ha kostudiya han mga kapulisan an mao nga suspek ngan naatobang na ha kaangayan nga kaso.
