NATIONAL NEWS- Nagresulta ha intremis an usa nga parte han hearing kasumpay ha flood control project.
Ine in ha butnga han mapaso nga hearing han Senate Blue Ribbon Committee, sumigit ha seryoso nga paghihimangraw han paki-anhan ni Senador Jinggoy Estrada an kontratista nga hi Curlee Discaya kun mayda mga senador nga dabi ha kontrobersyal nga isyu.
Dayon naman ine nag ginbaton ni Discaya, ngan ginpahayag nga waray biskan usa nga senador nga ira gintatagan hin “kickback”.
Dinhi naman nag-intremis hi Committee Chairman Rodante Marcoleta kan Estrada nga, “Safe ka na.”
Ha kaluyo nga may halo nga intremis, dayon naman nga naghangyo hi Estrada nga tagalon ha opisyal nga record an nasabi nga pahayag kumo pagrespito ha pormalidad han hearing.
Una hine, an mag-asawa nga Curleengan Sarah Discaya nga parehas contractor, nga dabi ha ginatos-gatos nga proyekto han gobyenro, in umatubang ha Senado agud nga igbuyagyag an haluang nga korapsyon ha DPWH ngan Kamara.
Subay ha ira napiritan an mga ine nga maki-uyon ha mga anomalous bidding ngan maghatag hin kickback ha pira nga mga opisyal kabalyo han proyekto.
Ha ira nagin testimonya, ginpan ngaranan nira an pira nga mga manbaralaod ngan DPWH personnel nga daw nag-aaro hin 10% – 25% nga komisyon tikang ha kantidad han proyekto.
Usa ha mga agsob nga ngaranan ha transaksyon in hi Rep. Elizaldy Co.
