TACLOBAN CITY – Ginpahimatngon han Tacloban City Police Office an resulta nga gumawas ha imbestigasyon han mga otoridad bahin han gin-aalegar suicide note han maestra ha Leyte National High School nga nakit-an nga patay ha luyo han mismo classroom hini.
Sumala kan PCI Rex Cantillep, tagapagyakan han Tacloban City Police Office (TCPO) nga basar gumawas nga resulta han scientific comparative examination and analysis han mao nga suicide note in mayda pagkaparehos ha writing movement, line quality stroke structure, letter formation and connection han TLE teacher nga ginkilala kan Romela Segador.
Mahitungod hini in gumawas ha konklusyon han mga otoridad nga hi Romela gihapon mismo an nagsurat han mao nga suicide note.
Samtang, ginklaro naman ni PCI Cantillep nga diri ini nangangaruyag signgon nga human na an mao nga kaso o case closed na ini mahitungod nga padayon la gihapon an ira pagpamulat han autopsy report bahin han mao nga panhitabo.
