TACLOBAN CITY– Malipayon ngan proud parents an nagin testimonya han nanay ni Aira Villegas nga usa nga pambato han Pilipinas ha Paris Olympics 2024.
Sumala kan Nida Villegas, nanay ni Aira Villegas, ngan residente han Tacloban, nga dire hiya nagdadahom nga magdadaog an iya anak ha syahan nga pagsalang hine ha ring ha Paris Olympics.
Dugang pa han nanay ni Aira, malipayon hiya nga mayda hiya usa nga anak nga nakakag-hatag hin dungog ha aton nasud.
Ginpaangbit naman hine, nga han syahan in dire hiya abuyon nga igpadayon an pagboboksing ni Aira, matungod nga karuyag niya makaghuman anay ine han pag-aram.
Ginmalatumat hine, nga waray nahimo an iya pagdepensar, lugod in iya nala ine ginsuportahan matungod nga nakit-an niya an determinasyon ngan pagpupursige hine ha pantag han pagboboksing.
