Nagpapadayon an kasamok ha Southern Lebanon bisan man ginkarawat na han Israel ngan Hezbolla an plano nga ceasefire nga ginsumite han Estados Unidos.
Sumala kan US President Donald Trump, nagkasarabot an duha nga ig-undang an kasamok mahuman niya makahisgot an ira mga tinaglawas.
Ginkarawat gihapon han Hezbollah an kasarabutan nga ig-undang an pag-atake ha Israel kabalyo han dire pag-atake liwat han Israel ha Beirut.
Pero nagbalyuay la gihapon hin mga drone ngan artillery strike an duha nga grupo kun diin, ginmalatumat han mga ini nga dire hira maundang ha ira mga pag-atake mintras dire naundang iton usa ha ira.
Nagpahimatngun naman an Iran nga an pagtalapas ha ceasefire in makokonsidera nga pagtalapas ha kasarabutan ha butnga han nira ngan Estados Unidos.
