-- Advertisements --
Puydi la gihapon karawton han Commission on Elections an certificate of candidacy ni Senator Jinggoy Estrada kun dumalagan ini para ha re-election ha 2028 elections.
Ini an ginklaro han COMELEC mahuman dakpon hi Estrada nga naka-detain yana mahitungod ha kaso nga plunder ha Sandiganbayan.
Ginmalatumat ni COMELEC Chairman George Erwin Garcia, nga dire pa otomatiko nga disqualified hi Estrada kutob waray pa magigin pinal nga hatol tikang ha Korte Suprema.
Ha pagkayana in posible pa makadalagan ha piniliay hi Estrada bisan magpagawas hin hatol an lower court mahitungod nga puydi pa ini i-apela ha SC.
