Gin tikangan na han gobyerno nga magtukod han kalugaringon nga strategic petroleum stockpiles ha Pilipinas mahuman maapektaran an suplay ngan presyo han lana mahitungod ha tensyon ha Middle East.
Sumala kan Energy Secretary Sharon Garin, an kasamok ha butnga han Iran ngan Estados Unidos in nagpakita hin panginahanglan para ha mas madig-on nga energy security han nasud, nga duro nga nakadepende ha imported nga lana.
Ha ilarom han plano, pagtutukuron an mga pasilidad han Philippine National Oil Company (PNOC) agud magtirok hin reserba nga lana nga malahos ha presente nga imbentaryo han mga pribado nga kumpanya.
Panuyo hini nga makaghatag hin dugang nga buffer ha suplay han nasud ha oras han krisis.
Ginbabana-bana nga maabot ha 500,000 barrels an syahan nga stockpile nga mayda kantidad nga purluminos P5 bilyon, kaupod an pagtutukod hin mga tangke, pipeline, pantalan, ngan iba pa nga pasilidad.
Subay ha DOE, nakikigsumpayan na gihapon an gobyernpo ha PNOC ngan Maharlika Investment Corp. agud mahuman an kasabutan ha sulod han usa kabulan, kasunod han feasibility study ngan site evaluation.
Planp gihapon han gobyerno nga padakuon an reserba agud madugangan an presente nga 30 ngada ha 60 kaadlaw nga imbentarto han mga pribado nga kumpanya, ngan madugangan pa hin sobra-kulang 30 kaadlaw nga buffer stock.
