Nag-set hin target nga ihap han mga enrollees an Leyte National High School para yana nga School Year 2026-2027.
Sumala kan LNHS Assistant Principal, Bernie Jude Lamograr, nga target nira an 8,000 nga enrolleees para yana nga pag-abri han klase.
Ha ira 120 Junior High ngan 90 Senior High School sections in target nira nga 45 la iton ma-occupy nga mga istudyante ha kada klasrum kun diin, ini in mas gutiay kumpara naman ha nakalabay nga school year.
Panuyuan mangud hini nga pitad in agud matagan hin kalidad nga edukasyon, mapokusan ngan mamonitor iton mga istudyante.
Sumala pa kan Lamograr nga mayda na nira nagpakapaskil nga sectioning han mga istudyante kun diin, pira nga mga grade levels partikular na ha Junior High in ayad o naka set na.
Samtang, naaro naman hin despensa an LNHS ha mga kag-anak nga dire na kakarawton an ira istudyante nga ini nga ira pitad in agud malikayan iton decongestion. Ginsagdunan gihapon han iskuyalan an mga ini nga kun mahihimo in ig-enroll laanay iton ira mga anak ha kahirani nga high school ha ira lugar.
