Gin imbitahan han Senate Blue Ribbon Committee hi anay House Speaker ngan Leyte 1st District Rep. Martin Romualdez ha pagpapadayon han pagdungog kasumpay ha flood control scandal.
Sumala kan Sen. Pia Cayetano, nga amu iton Chair han komite. nakatalaan an hearing buwas, Hunyo 4, 2026.
Kaupod hi Romualdez ha 34 nga personalidad nga gin imbitahan han komite. Syahan na nga gindiwara han Kongresista nga dire hiya an aada ha luyo han iregularidad han mga proyekto nga pan-imprastraktura ngan budget insertions ha gobyerno.
Gin imbistahan gihapon han komite an 18 nga indibidwal nga nagpakilala nga mya anay tawuhan han Philippine Marines, nga nagpahayag nga nagdul-ong hira hin kickbacks ha pira nga opisyal han gobyeno.
Kalakip gihapon ha mga gin imbitahan hi anay assistant engineer Brice Hernandez, nga dati na na-akusa ha pira nga magbabalaod kasumpay han flood control anomaly.
Subay ha komite, panuyo han imbestigasyon nga hibaruon an kamatuuran ha luyo han mga alegasyon ngan siguraduhon an pagbaton ha mga proyekto han gobyerno.
