Iginhulagway ni anay Senate President Franklin Drilon hi Senate President Alan Peter Cayetano kumo usa nga hadi nga waray palasyo mahuman mawarayan hin sakto nga ihap han senado agud makontrol an Senado.
Sumala kan Drilon, nagin patas na ha ihap an pwersa han majority ngan minority bloc mahuman madetine hi Sen. Jinggoy Estrada ngan nagpapabilibn nga dire nagpapakita ha publiko hi Sen. Ronald ‘Bato’ dela Rosa.
Mahitungod hini, an anay mayorya nga ginmamanguluhan ni Cayetano in naibanan ha 11 nga aktibo nga membro, kaparehas han ihap han minority bloc nga ginpapangunahan ni Sen. Vicente ‘Tito’ Sotto III.
Sumala kan Drilon, magigin makuri para ha presente nga liderato han Senado nga maiduso an mga panukala nga balaod ngan resolusyon mahitungod nga waray ini supresyente nga botos agud makabug-os hin mayorya.
Samtang, gin ayat naman ni Cayetano an minority bloc nga magbug-os hin dire maubos ha 13 nga botos kun karuyag hiya nga patalsikon kumo Senate President.
Ginbuhat ni Cayetano an pahayag ha Facebook Live. Dugang pa hini, andam hiy lumusad ha pwesto anuman nga oras kun mapapamatud-an han iya mga kritiko nga mayda hira suprisyente nga suporta tikang ha mga senador.
