Gin sukna ni House Senior Deputy Minority Leader Leila de Lima an pahayag ni Sen. Robin Padilla nga iginkumpara an iya mga nauna nga kaso ha kaso nga ginkakaatubang ni Sen. Ronald ‘Bato’ dela Rosa ha International Criminal Court (ICC).
Ha nauna nga pahayag ni Padilla, ginmalatumat hini nga magkaiba an sitwasyon nira De Lima ngan Dela Rosa mahitungod nga hi De Lima daw in nahisusunpay ha mga drug lord samtang hi Dela Rosa naman in may koneksyon ha kampanyang konta ha ilegal nga droga.
Bwelta han Kongresista ha Senador, dire angay igkumpara an ira mga kaso.
”Excuse me, Sen. Robin. Huwag nyo nga akong gamitin sa baluktot nyong naratibo. Acquitted na ako sa hinarap kong mga gawa-gawang kaso,” sumala kan De Lima.
Gin sukna gihapon han anay senador nga an pag-iskapo ni Dela Rosa dida han Mayo 14, kasunod han posible nga pag-aresto ha Senador, ngan ginkwestyon gihapon niya an nagin papel han senador dida han kawara ni Bato.
”Napakalayo ng sitwasyon ko sa pinasakay mong fugitive from justice na si Sen. Bato,” duon han magbabalaod.
”Saka neutralizing drug lords talaga? Sabihin nya yan sa pamilya ng libo-libong biktima ng EJK,” dugang pa hini.
Manunumduman nga napreso hi Lima dida han Pebrero 2017 ngan nakagawas mahuman tugutan nga makagpyansa dida han Nobyembre 2023. Dida han Hunyo 2024, na-acquit hiya ha mtga kaso nga ginpasaka kontra haiya.
Samtang, syahan na nga ginmalatumat han ICC nga iginsusumpay hi Sen. Bato kumo kasabwat ha pagpapatuman han madugo nga kampanya kontra ilegal nga droga ni anay presidente Rodrigo Duterte.
