Umulpot na ha Pilipinas an 21,000 metric tons han liquefied petroleum gas (LPG) nga ginpalit han gobyerno kumo kaparte han Emergency Energy Security Program han Department of Energy.
Sumala ha DOE, an LPG in ginpalit han Philippine National Oil Company ha pinaagi han commodity trader hadton Abril 13, 2026.
An kargamento in ginbubug-os hin 50% refrigerated propane ngan 50% refrigerated butane, nga may panuyuan pakusgon an reserba han LPG han nasud agud malikayan an kakulangan ha suplay ha panahon han energy emergency.
Gintagan-duon naman han DOE nga an pitad in kaparte han mas pinahalawig nga programa han gobyerno agud masigurado an padayon nga suplay han enerhiya, malikyan an hoarding ngan mapabilin an karig-on han presyo ha butnga han pankalibutan nga pagbabag-o ha merkado.
Sugadman, nagpapabilin nga hitaas an presyo han LPG ha merkado mahitungod ha global market volatility kun diin, an usa nga 11-kilo nga cylinder in nagkakantidad na hin sobra P1,700.
