-- Advertisements --
TACLOBAN CITY – Abuyon an pira nga mga abogado ngan political analyst ha Tacloban nga tagan hin sanctions han COMELEC an mga kandidato ha 2022 elections nga dire naatender ha presidential at vice presidential debate.
Una hini, ginpahayag han COMELEC nga ginpapag-adman na hini an mas mabug-at nga sirut o sanctions nga pwede nga igpatuman ha mao nga mga kandidato nga nabaribad pag-atender ha mga debate.
Sumala kan Atty. Jerry Uy, usa nga political analyst ha syudad, dako an importansya han mga debate tungod nga pinaagi hini mas nakikilal-an han mga botante an mga kandidato ngan an ira plataporma.
Dako gihapon daw ini nga bulig para han mga botante nga makapili han sakto nga lider para ha nasud.
