TACLOBAN CITY — Ginkompirma han Philippine Drug Enforcement Agency (PDEA-8) nga may pira nga mga drug dealers ha Eastern Visayas an may plano nga kuhaon an posisyon han anay drug lord Kerwin Espinosa ngan han Pamilya Espinosa kumo ulo ha pagbabaligya hin iligal nga droga ha Rehiyon Otso.
Sumala kan Edgar Jubay, Regional Director han PDEA-8, nga basar ha ira intelligence in may mga galamay an Pamilya Espinosa nga padayon la gihap nga nag ooperate ha Eastern Visayas an karuyag bumalyo ha nagin kalakalan han Iligal nga droga ha Sinirangang Bisayas.
Dugang pa hini nga usa nga ‘Network’ na an mga tulak hin iligal nga droga ha rehiyon.
Sugad man, padayon naman daw an ira ginbubuhat nga monitoring agud nga diri na humalawig pa an mao nga operasyon.
Manunumduman nga ha sakob hin usa ka adlaw in naabot ha lima an mga nadadakop nga mga Illegal drug peddlers ha sinirangang bisayas.
Aminado gihap hi Region 8 Director Edgar Jubay nga padayon la gihap an pagbabaligya hin Illigal nga droga bisan ha mga presohan.
