-- Advertisements --
NATIONAL – Igin anunsyo na ni Senator Risa Hontiveros nga pagdudumaraon an pinaka-urhi nga hearing han Senado kasumpay ha mga ilegal nga operasyon han Philippine Offshore Gaming Operators o POGO yana nga ti-arabot nga Noyembre 26, 2024.
Sumala kan Senator Hontiveros, chairman han Senate Committee on Women, i-imbeteran la gihapon ha nasabi nga hearing hi anay Bamban, Tarlac Mayor Alice Guo ngan pira nga personalidad nga umatinder han mga nakalabay nga imbestigasyon.
Dugang pa han senadora, mayda mga bag-o nga impormasyon nga nakuha an iya opisina, partikular na an pagkakaada hin espiya han China ha nasod.
