-- Advertisements --
NATIONAL NEWS– Ginsigurado han Palasyo nga padayon nga nakikig-bisog hi Pang. Ferdinand Marcos Jr. ha katungod han Pilipinas ha teritoryo ngan maritime rights hine ha West Philippine Sea.
Ine an nagin pahayag ni Palace Press Officer Claire Castro kasunod han claim hiton China nga naukupar na nira an Sandy Cay butang nga gindiwara han Palasyo.
Sumala kan Castro, mismo an national security council an nagpahayag nga waray kamatuoran an nasabi nga report.
Ginpaangbit gihapon hine an ginhimo nga inter-agency maritime operation ha Sandy Cay 1, Cay 2 ngan Cay 3.
Gindig-unan ni Castro nga padayon an pagprotekta ha tanana nga katungod han Pilipinas nga nauyon ha international law, ngan para ha kahimyang ngan kadig-on hiton rehiyon.
