Opisyal na nga igin pakilala ha publiko han 1Z Entertainment an pinakasyahan nga girl group hini nga Xonara ha usa nga engrande nga pasabog dida han Wakas at Simula: The Trilogy Concert Finale han P-Pop Kings SB19.
Mapaso nga gin karawat han A’tin, mga tag-suporta han SB19, an debut han pito nga miyembro han grupo kun diin, siyahan nga nakit-an ha entablado hira Eurekah, Ella, Dominique, Tin, Megumi, Lei, ngan Namie.
Dayon naman nga igin pakita han Xonara an ira potensyal pinaagi han pag perform han debut track nga “Uy Tabi Tabi,” nga hira mismo an nagsurat ngan nagkomposo—pagpapamatuod han ira musikal nga kakayahan kumo pinakabag-o nga puwersa ha P-pop.
Gin atenderan hin yinukot-yukot nga mga fans an SMDC Festival Grounds agud makit-an an makasaysayan nga pagperform han nga ini nga gin dugangan pa han mapaso nga lagkarawat nga pagsuporta han A’TIN fandom han SB19.
Ha usa nga mensahe han grupo, waray kapugngi han mga miyembro an pagpapasalamat ha mapaso nga pagkarawat han publiko.
Samtang, nakatalaan buhaton han Xonara an ira opisyal nga debut ha industriya ha maabot nga Mayo 15, nga ginlalauman magdadara hin panibag-o nga kolor ha nagtitikahiluag nga kalibutan han P-pop.
An 1Z Entertainment, in gin tindog dida han tuig 2023 han lima nga miyembro han SB19, in padayon an pagpapahiluag han ira team mahuman an mahugot nga nationwide talent search ngan trainee auditions nga gin tikangan dida han tuig 2024. An nasabi nga kompanya in ginpapangunahan ni SB19 leader ngan 1Z President Pablo.
Sumala hini, an mao nga proyekto in kaparte ha mas pinakusog nga artist-led management ha bug-os nga nasud.
Ha pagsulod han Xonara ha eksena, ginlalauman an bag-o nga era diri la para ha mao nga grupo kundi para na gihapon ha direksyon han Philippine music industry.
