Nakatalaan nga bumisita ha nasud an Hollywood icon nga hi Angelina Jolie kumo usa ha mga tagapagkayan ha pagbubuhaton nga 2026 ASEAN Inclusive Growth Summit ha maabot nga Nobyembre 11.
Magigin kaparte an Academy Award-winning actress ha mga tampok nga tagapagyakan ha nasabi nga katitirok nga aatenderan naman han mga tinaglawas tikang ha magkadiru-dilain nga sektor agud pagdiskusyunan an ekonomiya ha Southeast Asia.
Kilala hi Jolie ha iya charity advocacies labi na ha kampanya hini para ha proteksyon han kababayen-an ngan kabataan, kaupod an abokasiya hini para ha mga bakwit o refugees.
Dida han 2001 kutob 2012, nagserbi gihapon an Hollywood actress kumo Goodwill Ambassador para ha United Nations High Commissioner for Refugees (UNHCR) ugsa ini matudlok kumo Special Envoy.
Makakaupod gihapon ni Jolie an pira nga kilala nga personalidad kumo tagapagyakan ha nasabi nga summit kun diin makakaupod hini an Tony-award winning theater actress nga hi Lea Salonga, Rajo Laurel, Kylie Verzosa magin an sekretarya han Department of Trade and Industry nga hi Cristina Roque.
_2026_11_05_12_05_14.jpg "Jessica Sanchez, iginpaangbit an iya Boracay gateway kaupod an iya anak")
