Usa nga senior citizen an nagdaog han P10 milyon jackpot prize ha 6/42 Lotto draw nga naghatag hin duro nga kalipay ha usa nga lolo mahitungod nga magagamit niya an premyo agud maipatambal an iya apo.
Nakailarom ha usa nga pamahayag nga igin pagawas han Philippines Charity Sweepstakes Office (PCSO), nga an nagdaog nga lolo in nagtikang ha Angeles City, Pampanga, nga may-ada winning numbers nga 11-23-09-05-01-03.
Humagos na umano hin 30 katuig ha pagtaya han lotto an lucky winner ngan mga “alaga” nga numero hini an iya gin titinayaan nga kombinasyon han mga petsa han kaadlawon ngan importante nga panhinabo ha iya kinabuhi.
Agud masiguro nga makakataya hiya ha bug-os nga semana, nag-a-advance gihap umano an lucky winner ha iya pagtaya para ha iya mga alaga nga kombinasyon han numero.
Dugang pa hini, malipayon an lagas ha iya kadaogan mahitungod nga ini in nahinabo ha panahon nga kinahanglan igpatambal an iya apo.
