Gin aaghat ni House Deputy Speaker Paolo Ortega V hi Vice President Sara Duterte nga tumambong ha impeachment hearing yana nga adlaw, Abril 22 ngan manumpa agud direkta nga batunon an mga alegasyon kontra ha iya.
Sumala kan Ortega, mas importante nga mahibaruan ngan madunggan han publiko an testimonya hini ha ilarom han panunumpa kontra hin diri pag atender hini ha mga hearing ngan paglaom la ha mga pamahayag ha media agud panhibuwaan an mga akusasyon partikular na an mga iginbuyagyag han daw “bagman” nga hi Ramil Madriaga.
Gin kakaatubang ni Duterte an impeachment kanit ha daw sayop nga paggamit han P612.5 milyon confidential funds han Office of the Vice President ngan Department of Education, kalakip na an isyu han daw diri sakto nga karikohan ha iya igin deklarar nga income.
Samtang, igin duon pa ni Ortega nga kun panhibubuwaan han Bise Presidente an mga akusasyon, in angay la nga umatubang ini ha komite, manumpa, ngan batunon an mga pamakiana ha opisyal nga proseso.
Ha masunod nga hearing, ginlalauman nga paghihinhadayan han House Committee on Justice an mga financial records ni VP Duterte, kaupod na an SALN ngan tax documents hini.
