Gin kilala kumo Defensive Player of the Year hi San Antonio Spurs bigman Victor Wembanyama.
Hi Wemby an pinakabata nga NBA player nga nakakuha han mao nga award ha edad nga 22.
An 7’4″ Spurs center in nakakuha hin perfect first-place votes (100/100) kasunod han impresibo nga performance ha kabug-usan han season kun diin nahimo hini nga manguna ha iba-iba nga kategorya han defensive plays.
Kaupod hini an 1st place ha blocks, 1st place ha stocks (steals + blocks), ngan 1st place ha defensive field goal percentage (FG%).
Ha pagtatapos han season, nahimo hini nga maibursa an 3.1 blocks per game. Napabilin han bigman an mao nga average ha sakob hin tulo nga magkakasunod nga tuig ngan ini an ika tulo nga player ha NBA nga nakahimo hin sugad nga performance.
Labot ha maupay nga depensa, kapot gihapon ni Wemby an impresibo nga 25.0 points per game, 3.1 assists per game, ngan overall shooting percentage nga 51.2%.
Ini in kaparte han ikaduha nga season han Spurs bigman ug nahimo hini nga pangunahan an iya team agud makasulod ha Playoffs, kun diin, kapot hini an ika duha nga pinakamaupay nga rekord ha NBA nga 62 – 20 (win-loss record).
