Gin aprobaran han Bangko Sentral ng Pilipinas (BSP) an temporary relief para ha mga financial institutions ngan mga customers hini ha butnga han na e-eksperyensyahan nga krisis hin lana tungod han padayon nga tensiyon ha Middle East, nga nakaapekto ha ekonomiya.
Kasumpay hini, an mga bangko in puydi maghatag hin grace period nga unom ka bulan o lapos pa sugad man an mga agricultural loan in puydi diri la anay kutob usa katuig.
Samtang, an mga pautang in puydi diri ig upod ha klasipikasyon nga past-due o non-performing o diri nagbabayad, ha sakob hin usa ka tuig depende ha mga igpapagawas nga impormasyon han BSP, ilabi na para ha mga apektado nga nangungutang.
Kaupod han relief an mga restructured loan o mga pautang nga diri nababayaran mahitungod hin emergency, in puydi tagan hin special treatment ha impormasyon naman han bangko.
Panuyuan han nasabi nga pitad nga buligan ug tagan hin higayon an mga borrower nga makabuhat ngan makaiwas ha sayop nga marka ha ira mga credit record, kasumoay han deklarasyon han National Energy Emergency ha nasud.
An mao nga mga pitad in nakailarom ha lender assessment han bangko.
